स्वच्छ भारत मिशनको १०औं वार्षिकोत्सवमा भारतलाई विश्वव्यापी प्रशंसा

भारतले आफ्नो प्रमुख सरसफाइ पहल स्वच्छ भारत अभियानको दशक लामो सफलतालाई मनाउँदै गर्दा प्रधानमन्त्री नरेन्द्र मोदीलाई विश्वभरका नेताहरू र अन्तर्राष्ट्रिय संस्थाहरूले बधाईका सन्देश पठाएका छन्। सन् २०१४ को अक्टोबर २ मा सुरू गरिएको यो अभियानले भारतको सरसफाइ परिदृश्यमा आमूल परिवर्तन ल्याउँदै सार्वजनिक स्वास्थ्य र वातावरणीय स्थायित्वमा उल्लेखनीय सुधार गरेको छ।

विश्व नेताहरू र अन्तर्राष्ट्रिय संस्थाका प्रमुखहरूले स्वच्छ भारत अभियानको सफलताको सराहना गर्दै यसले भारतको विकासमा पारेको प्रभावलाई उच्च मूल्याङ्कन गरेका छन्। विश्व स्वास्थ्य संगठन (डब्ल्यूएचओ) का महानिर्देशक डा. टेड्रोस अधानोम गेब्रियससले प्रधानमन्त्री मोदीको नेतृत्व र अभियानको दीर्घकालीन सफलतालाई उच्च प्रशंसा गर्दै अभियानले दिगो विकास लक्ष्यहरू प्राप्त गर्न महत्त्वपूर्ण भूमिका खेलेको बताए। 

विश्व बैंकका अध्यक्ष अजय बंगाले पनि स्वच्छ भारत अभियानले भारतको सरसफाइ पूर्वाधारलाई क्रान्तिकारी रूपमा रूपान्तरण गरेको भन्दै बधाई दिएका छन्। 

एसियाली विकास बैंकका अध्यक्ष मसात्सुगु असकावाले प्रधानमन्त्री मोदीको नेतृत्वको प्रशंसा गर्दै एडीबीले सुरुदेखि नै अभियानमा भारतसँग सहकार्य गरेको स्मरण गरे।

 यसैगरी, माइक्रोसफ्टका संस्थापक बिल गेट्सले पनि अभियानले भारतको सरसफाइ क्षेत्रमा पुर्यासएको प्रभावको खुलेर प्रशंसा गरेका छन्।

स्वच्छ भारत अभियानले सार्वजनिक स्वास्थ्य, सरसफाइ पूर्वाधार, र वातावरणीय स्थायित्वमा ठूला उपलब्धिहरू हासिल गरेको छ। ग्रामीण क्षेत्रका १० लाखभन्दा बढी घरधुरीहरूमा शौचालयको पहुँच विस्तार भएको छ, जसले लाखौं मानिसलाई फाइदा पुर्यासएको छ। यसले भारतको ग्रामीण क्षेत्रका महिलाहरूको सुरक्षामा पनि महत्त्वपूर्ण सुधार गरेको छ।